Gaua, Paul Urkijo zinema zuzendari gasteiztarraren hirugarren film luzea Azaroaren 14an iritsiko da aretoetara. Aurretik Fant jaialdiak emanaldi berezia antolatu du azaroaren 12rako. Urkijoren aurreko lanen antzera -Errementari (2017) eta Irati (2022)- fantasia eta errealitate historikoa uztartzen ditu Gaua filmak ere. Oraingo honetan, XVII. mendean girotutako euskal mitologiaren gauaren munduan murgildu da zuzendaria, izakien mundu mitologikoari eta euskal sinesmenen iruditeriari protagonismoa emanez. Misterioz, emozioz eta epikaz betetako unibertsoa eratu du Urkijok lan berrian. Gurean izan ditugu Paul Urkijo zuzendaria eta Iñake Irastorza eta Yune Nogeiras aktoreak.
Deskargatu hemen.
