Argia astekariaren errepasoa egin dugu Maria Ortega kazetariarekin. Azalean torturaren gaia ekarri dute. Emaginekin eta tortura jasan duten emakume militanteekin egindako hausnarketa kolektibo feminista azaltzen du artikuluak. Lan horretatik sortu da Olatz Dañobeitiaren liburua, tortura politikoa indarkeria matxista gisa ulertzen duena. Artikuluan tortura ulertzeko beharrezkoa dela ikuspegi feminista eta kolektiboa izate azpimarratzen dute, eta erreparazioa “berregite” prozesu sozial eta politiko gisa ulertu behar dela, ez bakarrik juridikoki. Alfonso Urrutikoetxeari eginiko elkarrizketa komentatu dugu, elizan jasan dituen sexu-abusuak eta horrek bere bizitzan izan duen eragina kontatzen ditu. Hilabete honetan Larrun dakar Argiak. Josu Urrutikoetxeari egindako elkarrizketa irakur dezakegu. Elkarrizketan Urrutikoetxeak bere ibilbide politikoa eta bizipenak azaltzen ditu, haurtzarotik hasita eta ETAko militantzian eta ondorengo urteetan arteko esperientziak bilduz.
Deskargatu hemen.
