Antzerki eta dantza garaikidearen BAD Bilbao jaialdiak 28. edizioa egingo du urriaren 15etik 25era. Bilboko Udalak antolatuta, antzerkiaren, dantzaren eta dramaturgia berrien inguruko proposamen berritzaileak eskainiko ditu hiriko hainbat agertokitan. Guztira, 17 konpainiak hartuko dute parte aurtengo edizioan: sei Euskal Herrikoak izango dira, zazpi estatukoak eta lau nazioartekoak. Programazioan, gainera, sei estreinaldi absolutu, estatu mailako estreinaldi bat eta Euskadiko lau estreinaldi izango dira. Emanaldiak La Fundiciónen, Harrobian, Bilborocken eta Campos Antzokiko Kupula Aretoan egingo dira, besteak beste. Aurten, gainera, Dantzerti ere jaialdiaren programazioan izango da, bertan egingo baita EDADEI 6 topaketen edizioa, arte eszenikoetan hezkuntza, ikerketa eta bitartekaritza uztartzeko. BAD Bilbaok hainbat jarduera ere antolatu ditu doan. Horien artean, urriaren 16an EDADEI 6 topaketak, eta hilaren 17an Parkuir izeneko proposamena La Fundiciónen. Urriaren 25ean, berriz, Bilborocken, “Fiestas Invisibles” zuzeneko dokumentala ikusi ahal izango da.
Deskargatu hemen.
