Pedro Elias Igartua musika adituak beste aste batez zabaldu du Soinugela, aire girotua martxan jarri eta denetariko musika eskaini digu, kantuen artean ohi bezain iruzkin jakingarriak eginez. Folk esparruan Galiziako eta Euskal Herriko talde bana izan dugu: Nordestinas eta Lantz. Asturiasen ere geldialdi bat egin dugu, Skama Larede taldekoek skari gaita nola txertatzen dioten jakiteko; geroztik, B¨jörk islandiarraren azken diskoa, Volta izenekoa, entzuten jarri gara, uztailaren 13an Bilbon izango dela eta; Michael Bublé kruner kantari kanadarrak atera berri duen Call Me Irresponsible diskoa ere entzun dugu; eta Jim Dickinsonen txanda helduta, geldialdi luzexeago egin dugu, bere Jungle Jim And The Voodoo Tiger arretaz entzuteko. Nolanahi ere, saioan tarterik handiena Wilco amerkana taldeak eta Dee Dee Bridgewater jazz kantariak hartu dute, 40 bat minutuz Sky Blue Sky eta Red Earth lanak entzuten eta aztertzen aritu baikara.
Aspaldiko partez soinugela entzuten lanean.
Oso gustora entzun dut zuen azken saioa, mutilak! Segi horrela, goroldio laboral eta udako asperraren aurkako errezeta musikal ederra osatzen duzue astero!
Hori bai, Björk pedorra bat bihurtu da.
Eskerrik asko, bikote, musika ona eskaintzeagatik.