Euskotreneko langileek mobilizazioa egin dute Arriaga plazan, Bilboko tranbiaren unitateetan zezenketekin lotutako ikuskizunen publizitatea jarri izana salatzeko.Euskotreneko enpresa batzordeak bere kezka eta erabateko gaitzespena azaldu du, aurten ere tranbiaren unitateetan zezenketekin lotutako ikuskizunen publizitatea jarri delako. Batzordeak gogorarazi duenez, zuzendaritzari aurretik ere adierazi dio ez duela publizitate mota hori egokitzat jotzen. Enpresa batzordearen arabera, publizitate horrek ez du bat egiten enpresa publiko batek ordezkatu beharko lituzkeen balioekin, ezta Euskotrenek defendatu beharko lituzkeen gizarte-erantzukizunaren eta herritarrekiko sentsibilitatearen printzipioekin ere.
Deskargatu hemen.
