Pasa den astean, hilaren 16an, OIT Nazioarteko Lan Erakundeak Etxe-langileen lan baldintzen inguruko zenbait neurri onartu zituen. Neurri batzuk Itunean agertu dira eta estatu bakoitzak berretsi behar du; beste batzuk, aldiz, Gomendioak dira. Hego Euskal Herrian egungo etxe-langileen %90 emakumezkoak dira, eta %56 kanpotarrak: dena den zifra ofizialak errealitatetik urrun daude, Isabel Otxoa ATH Bizkaiko Etxe-langileen Elkarteko bozeramaleak esan digunez.