Monografiko zinez bitxia prestatu digu Pedro Elias Igartuak aste honetako Soinugelarako: deitura euskalduna –eta, hortaz, jatorri euskalduna– duten kubatar musikarien lanak ekarri dizkigu. Gauzak horrela, Sindo Garay, Eliades Ochoa, Ernesto Lecuona, Omara Portuondo eta Kelvis Ochoaren musika beste behin gogoratzeko aukera izan dugu. Horrezaz gain, beste atal handi batean hainbat nobedade ere aurkeztu dizkigu. Honako hauek, besteak beste: Rafa Ruedaren “Zuhaitz okerretan gora”, Allison Moorerren “Ring Of Fire”, Felice Brothers taldearen “Greatest Show on The Earth”, Emmylou Harrisen “All I Intented To Be”, Randy Newmanen “Harps and Angels” eta Ray Charlesen ahotsarekin eta Count Basie Orchestraren musikarekin egin berri duten nahasketa lanak.
Saio hau deskargatzeko klikatu HEMEM.