Gaur, Gabriel Aresti euskaltegiko Isabel Isazelaiaren txanda izan dugu. Berak kontatu digunez, euskara ikastaro guztiak hasi dira asteon Gabriel Aresti euskaltegian. Eskolez gain, eta haien osagarri, urte osoan kultura programazioa prestatuko du euskaltegiak, dudarik gabe ikasketa prozesua azkartzen eta arintzen duten hainbat jarduera euskaraz mintzatzeko, entzuteko, benetako komunikazio egoerak sortzeko.
Urrian bertan, Gabriel Aresti idazlea jaio zela 81 urte beteko direla eta, bi hitzordu izango ditugu datorren astean: Itziar Lakak, Gabriel Aresti euskaldun berri hitzaldian idazalearen biografia abiapauntu hartuta, euskara bere kabuz ikasi zuen bilbotar erdalduna, urteen poderioz idazle emankorra eta euskara batuaren bultzatzaile garrantzitsuenetakoa bilakatu arte. Nor hobe, hura bezala euskaldun berria izanik hizkuntzalaria bilakatutako Itziar Laka baino. Lehen urratsetako ikasleek, berriz, Arestiren Bilbo literatura ibilbidea egin ahal izango dute, goizean zehar idazleari lotutako lekuak eta uneak ezagutuko dituzte, berari buruz gehiago ikasteko.
