Gaurkoan Kataluniatik ekin dio Pedro Elias Igartuak bi orduko bidaia musikalari, lehenik Ojos de Brujoren Feedback kanta entzunez eta gero Dúmbala Canalla taldearen musikaz gozatuz. Azken talde honek Pomada taldea osatzen zuen bikotea du oinarri eta mestizaje musikala lantzen du. Geroztik, Ingalaterratik country alternatiboa egiten duen The Broken Family Band taldea ezagutu dugu. Ildo beretik, Norah Jones partaide den The Little Willies taldea ere izan dugu. Euskal musikaren barnean, Rafa Ruedaren azken diskotik Txikia eta Ai neza kantak jarri ditugu eta, halaber, Sei Urte taldeko berriztarrek kanta bat eskaini digute. Aurreko astean legez, Elvis Costelo jazz doinuetan heldu zaigu Herbehereetako Metropole Orkest delakoarekin grabaturiko diskoan. Bestalde, 60 eta 70eko hamarraldietan izar handia izan zen Neil Diamonden 12 Songs (12 kanta) diskoa ekarri digu Pedrok. Toumani Diabate kora jolea etorri zaigu gero, hurrengo astean izango duen monografikoaren aurrerapen gisa. Saioaren azken laurdenak bluesaren aitzindaritzat jotzen den Leadbelly musikari mitikoak bete du. Haren bizitzaren pasarte gorabeheratsuak gogoratzeaz gain, zenbait kanta ezagun ere entzun ditugu beste behin. Saioa deskargatu nahi baduzu, klikatu hemen: 1.atala, 2.atala.
Entzun 1.atala: https://www.bilbohiria.com/docs/podcast/soinugela/soinugela060518a.mp3
Entzun 2.atala: https://www.bilbohiria.com/docs/podcast/soinugela/soinugela060518b.mp3
