Zeanuriko 15 baserritar gazte bildu dira Maskilu egitasmoa aurrera ateratzeko. Kontserbak ekoizten ari dira, sasoiko barazki, perretxiko edo fruituekin, era tradizionalean eginda. Zeberioko Nekazalgune programarekin lotuta, Maskiluren aurkezpena ekainaren 6an egingo dute, Gontzal Uribek kontatu digunez.
Agus Perez antzerki kritikariak gurean izandako eta izango diren hainbat antzezlan aztertu ditu. Hasteko, Zornotza aretoan izandako Portugalgo Xapitó konpainia. Gaurtik aurrera, aldiz, “La viuda alegre” izango da Arriagan. Datorren astean, Leioako Umore Azokak herriaren kaleak hartuko ditu, eta bukatzeko, hilaren amaieran “3, 2, 1” jaialdia izango da Bilboko Alondegian. […]
