Kontserbadoreen programan galdeketa egingo zutela zegoen idatzita, Erresuma Batuak Europar Batasunean jarraitu behar duen ala ez… eta horixe egingo dute. Atzean, gure ekonomia gaietako aditu Luis Guridiren esanetan arrazoi ekonomikoak baino, egun Erresuma Batuak dituen baldintzak hobetzeko asmoa dago.
Dantza, antzerkia eta performanceak izango dira ACT jaialdiaren muina gaurtik aurrera. Lan laburren nazioarteko jaialdian 70 artista eta hamabost ikuskizun izango dira. Bi izango dira jaialdiaren egoitza nagusiak; Barakaldoko antzokia eta Bilboko Kafe Antzokia. Ordu erdiko hainbat piezaz gozatu ahalko dugu, munduko txoko ezberdinetatik etorriak: Irak, Alemania, Korea, Espainia, Bosnia […]
