Gaur, Bizkaiko Gurasoen Elkarteko (BIGE) Irune Uria teknikariaren txanda izan dugu “Ibaizabal” goizeko magazinearen atal honetan. Oporrak ate joka daude gure eskoletako haur eta irakasleentzat eta giro nahasian amaitu da kurtsoa, Eusko Jaurlaritzak 3. mailako azterketaren proba derrigorrez egiteko aukeratuak izan ziren zentruen jarrera irmoarekin.
Uda ondorenerako EAEko administrazioari eskatzeko hainbat kontzeptu aipatu ditu Irunek: kalitatezko eskola bultzatzea, diru publikoen inbertsio handiak galdatzea, euskal hezkuntza legeak kalitatezko eskola publikoan oinarritzea, bazterketa soziala ezabatzea, euskara indartzea, justizia sozialeko giza-balioetan heztea, laikotasuna bultzatzea… Hori guztia eskatzen du BIGEk datorren ikasturterako.