Biologo baten bisita izan dugu gaurko Zientzialari irratsaioan. Koldo Garcia Etxebarria etorri zaigu Genetikaren hastapenak deitu dion gaiaz mintzatzera. Aurrenik, edozein ikertzailerentzat zientzien historia ezagutzea zeinen garrantzitsua den azpimarratu du Koldok. Ikuspegi horretatik abiatuta, genetikaren hastapenak azaltzeari ekin dio, Gregor Mendel nor izan zen eta bere aurkikuntza nola burutu zuen azalduz. Azkenik, Mendelen legeak zertan dautzan adierazi digu laburki, hark aipaturiko karaktereak eta herentzia faktoreak egungo gene eta kromosoma kontzeptuen parekide gisa aurkeztuz nolabait. (Argazkia: Isabel Eyre).
Deskargatu hemen.
