Ez dakigu zein kantu jarri genituen saio honetan keak ez baitzigun uzten kantuen izenak ikusten baina badakigu soinu bandetatik hartu genituela denak. “Dirty Harry”, “Orfeu Negro”, “Down By Law”, “In The Heat Of The Night”, eta abarren soinu bandetatik hartu genituen kantuak, hori bai gogoratzen dugu!! Entzun nahi baduzu, hor behean klikatu…
Gaurko magazinean, beste askotan legez, osasunaren inguruko gai batez jardun dugu. Hain zuzen ere, antzinako kalkulagailutzat hartu ohi den abakoak garunari loturiko gaixotasunetan daukan erabilera onuragarriaz mintzatu zaigu Lorena Egidazu. Haren hitzetan, abakoak abantaila handiak ditu Alzheimerren gaitzak jota dauden eta burmuina nola edo hala eri daukaten gaixoak tratatzeko orduan. […]
