Gaurko magazinean, beste askotan legez, osasunaren inguruko gai batez jardun dugu. Hain zuzen ere, antzinako kalkulagailutzat hartu ohi den abakoak garunari loturiko gaixotasunetan daukan erabilera onuragarriaz mintzatu zaigu Lorena Egidazu. Haren hitzetan, abakoak abantaila handiak ditu Alzheimerren gaitzak jota dauden eta burmuina nola edo hala eri daukaten gaixoak tratatzeko orduan. Garuna gorputza fisikoki lantzen dugun modu berean landu behar omen da, eta horrelako gaixoengan buru ariketak gaitzari nahi bezala aurrera joatea eragozten omen dio. Lorenaren esanetan, Bizkaia aitzindaria da abakoa horrelako helburuetarako erabiltzen.
Deskargatu hemen.
