Zientzialari irratsaio honetan Naiara Barrado Izagirre astrofisikariak Pluton hartuko du mintzagai eta luze jardungo du gurekin azken urteotan eztabaidagai bihurtu den planetaz. Dena den, badirudi eztabaida hori, zientzialarien artekoa baino, kale mailako kontua dela. Edozein modutan ere, Naiara Barradok lehenbizi planeta nanoak zer diren azalduko digu eta gero, ildo beretik jarraiturik, Plutonen ezaugarriak argituko dizkigu. Horri loturik, Pluton aztertzen diharduen New Horizons misioa deskribatuko du hitz laburrez eta azken minutuetan gai honekin zerikusi handia duen Clyde Tombaugh astronomoaz mintzatuko zaigu. (Argazkia: Lunar and Planetary Institute).
Deskargatu hemen.