Zientzialari saio honen jarraitzaileek honezkero badakite Miren Bego Urrutia gurera datorren guztietan animaliei buruz jarduten dugula berarekin. Gaur, esaterako, animalien hibernazioa izango da solasgaia. Animaliek zergatik eta zertarako hibernatzen duten ikusiko dugu, alde batetik, eta hartzaren lozorroaldia ere tratatuko dugu, bestetik. Gainera, azken minutuetan pinguino enperadorearen kasu berezia aurkeztuko dizuegu. (Argazkia: U. S. Fish and Wildlife Service – Northeast Region).
… eta udaberriarekin batera, abían da Bizkaiko Bertsolari Txapelketa! Potto saioan, zapatuarekin batera eta Berrizen izan zen Bizkaiko Txapelketaren aurreneko kanporaketa aztertu dugu eta, aurreko egunean, barikuan, Bilboko alde zaharrean kokatuta dagoen Iñakiren tabernan jokatutako Mauri-Apolo sariketaren nondik norakoak. Zelan ez, agenda-proposamena ERE izan dugu, bertsozalearen buru-belarrien gozagarri. Biba bertsoa! […]
