Datorren larunbatean, ekainaren 4an, Munduko Arrozak deritzan ekimenaren 13. edizioa izango da Bilboko San Frantzisko auzoan. Auzoko elkarteen koordinadorako partaide den Xabi Agirrerekin mintzatu gara gaur, dagoeneko erabat finkatua dagoen ospakizun handi honen nondik norakoak ezagutzeko asmoz. Berak adierazi duenez, lau mila partaide izango dira ekainaren 4ko hitzorduan, kolore, zapore eta usain guztietako arrozak prestatuko dituztenak, kulturartekotasunaren erakusgarri. Izan ere, Xabi Agirrek esan digunez, San Frantzisko auzoan 60 herritatik baino gehiagotatik etorritako lagunak bizi baitira. Munduko Arrozen ekimena, elkarbizitza sustatzeko eta elkarrekin ondo pasatzeko eguna ez ezik, auzokideen beharrizanak eta kezkak plazaratzeko eguna ere bada.
HIZPIDEA: Munduko Arrozen zapore aniztasuna Bilboko San Frantziskon
