Loli Astoreka eta Gurutze Beitia aktoreen bisita izan dugu gaurkoan, aste honetan Campos teatroan El florido pensil antzezlana taularatzen dabiltza. El florido pensil “neskak” antzezlanak gerraondoko Espainiako hezkuntza sistemaren krudeltasun absurdu eta zentzugabea jasaten duten bost neskatoren egunerokoa kontatzen du. Eszena berri batzuk sartu dituzten arren, aurreko ikuskizunak zuen joko berari eutsi diote, egungo bost heldu bildu dira haurtzaroa gogoratzeko. Atzoko eskolaz eta gaur egunez aritu gara eta, nola ez, Aste Nagusiaz. Izan ere, biak izan dira pregoilariak: Loli Astoreka 2000 urteko kontuak ekarri dizkigu gogora eta Gurutzek iazko Aste Nagusian bizi izandakoak.
Deskargatu hemen.
