Altsasuko egoera bertatik bertara ezagutzeko asmoz Iñaki batu zaigu Hizpidea magazinera, bertako bizilagunak bizi duten egoera kontatu digu. Herrian kezka da nagusi, liskarra duela aste bete izan zen eta giroa herrian baretu da, baina harrituta eta nazkatuta daude hedabideek eman dioten trataerarekin, izandako kutsadura mediatukoa salatu du. Urteak daramatzate indarkeria poliziala pairatzen herrian eta hori dena salatzeko manifestazioa egingo dute larunbatean.
Nafarroako kronika euskalerria irratiko Mikel Bujanda kazetariak egin digu. Aste honetako politikari begirada panoramikoa egin digu eta lasaitasuna izan da aste osoan zehar, aldaketaren gobernuek egoera kontrolpean duela edo hori ematen duela kontatu digu Mikelek. Aurrekontuen aurreproiektua onartu du Nafarroako Gobernu kontseiluak. Ondorioa: gizarte gastuak indartuko dira, 100 eurotik 56 […]
