LED argiak izenaz ezagutzen ditugu eta geroz eta erabilera handiagoa dute eguneroko bizimoduan, askotan haien presentziaz ohartzen ez bagara ere. LED izena ingelesezko akronimoa da: Light-Emitting Diode. Batzuetan diodo argi igorlea esaten zaio eta argitasuna sortzen duen osagai erdieroalea da. Aspaldi samarreko aurkikuntza da, egia esan. Duela 50 bat urte, Nick Holonyak ikertzaile estatubatuarrak aurkikuntza berezi baten berri eman zuen bere enpresan, General Electric etxean: diodo batek gizakiek ikusteko moduko argia igortzea lortua zuen berak. Hura izan zen geroztik hainbeste hedatu diren LED argien hasiera, Baina nola “pizten” dira argi hauek? Nola argiztatzen dute? Horixe da gaurko irratsaioan Aitor Bergararen eskutik ikasiko duguna. (Argazkia: Oskay).
Deskargatu hemen.