Sabin Arana, edo Arana Arana ta Goiri’taŕ Sabin Polikarpo, Abandoko elizatean —gaur egun Bilbo— sortu zen 1865eko urtarrilaren 26an, eta Sukarrietan hil zen, 1903ko azaroaren 25ean. Eusko Alderdi Jeltzalearen sortzaile, 1893an Begoñako Larrazabal baserrian antolatutako afari-bilkura batean Aranak emandako berbaldia euskal abertzaletasun modernoaren abiapuntutzat hartu da. Berak sortu zuen ikurriña, Luis anaiarekin batera. Euskaltzale moduan, Aranak neologismo asko proposatu zituen, eta euskal izendegian egun oso zabalduta dauden pertsona izen ugari sortu zituen. Euskara batua lortzearen alde zegoen Sabino, Hendaiako 1902ko biltzarrean agertu zuenez, baina egun baztertuta dagoen ortografia ezartzen saiatu zen.
Deskargatu hemen.
