Ostegunean udalbatza izango da eta bertan talde ezberdinek aurkeztutako proposamenak izan ditugu hizketagai. Baina lehenengo, aurreko astean emandako datuak jarri nahiko nituzke mahi gainean: Bilboko Udalak 5.453 etxebizitza zenbatu ditu inor erroldatu barik eta ur-kontsumo barik. Hala ere, beste 3.269 gehitu daitezke, gutxi erabiltzen diren etxeak baitira, inor erroldatu barik eta urtean 19 m3tik beherako ur-kontsumoarekin. Etxebizitza saileko zinegotziak azaldu zuen «etxebizitzaren inguruko politika publikoaren jarduera-ildo nagusi bat hutsik dauden etxebizitzak detektatzea eta alokairuaren merkatura ateratzea da. Hala ere, hutsik dagoen etxebizitza zer den definitzea eta auzo bakoitzean daudenak identifikatzea da zailtasun handienetako bat politika horiek ezarri ahal izateko». EH Bilduk eta Udalberrik Etxebizitza bulegoa beharrezko ikusten dute, azterketa sakona egin behar delako Bilbon dauden etxebizitza hutsen inguruan.
Bestetik ostegunean udalbatza dago, azarokoa, eta bertara eramango dituzten gai batzuk ere ekarri ditugu mahai bueltara. Udalberrik austeritate politikek udaletxeei ekarriko dizkieten murrizketak gaitzetsiko ditu plenoan. Bestetik, 2016 aurrekontuak ez dira osorik burutu eta EH Bilduk Marta Ajuria zinegotziaren agerraldia eskatu du. Bukatzeko, itsas museoaren egoera ekonomiakoa izan dugu hizpide. Aurreko plenoan, hau da, urriko plenoan, udalbatzak Bilboko Itsas Museoari 75 mila euroko premiazko laguntza ematea onartu zuen. Hori dela eta, EH Bilduk Gardentasuna eskatuko du eta itsas museoaren bideragarritasun plana, egoera ekonomikoa bermatzeko.
Deskargatu hemen.