Giza eskubideak konponbidea bakea izeneko jardunaldiak antolatu ditu Sare euskal presoen eskubideen aldeko elkarteak, Gasteizen. Amets Martinez Sareko kideak eman dizkigu horien inguruko xehetasunak. Amets Martinezek azaldu duenez, jardunaldien helburua “elkarbizitza sendotzen” jarraitzea da. Kartzela politika da euskal gatazkaren testuinguruan egun existitzen den indarkeria bakarrenetakoa, eta konponbidearen bidea egin behar du, bakera iritsi arte. Astelehenetik asteazkenera bitarte hainbat testigantza entzuteko aukera izango da antolatutako solasaldietan. Euskal presoei ezartzen zaien salbuespenezko legedia, zigorren batuketa eta sakabanaketa politika ere izango dira hizpide. Jardunaldiak azaroaren 28tik 30era bitartean egingo dira, Gasteizko Europa Jauregian.
Deskargatu hemen.