Bihar estreinatuko da Igelak filma. Gaurkoan Patxo Telleria zuzendariaren bisita izan dugu. Pello, banku sukurtsal bateko zuzendaria, delitu ekonomikoengatik atxilotu dute. Bere nagusiak ere inplikatuta dauden arren, bakarrik utziko dute justiziaren aurrean. Salduta dagoela konturatzean, ihes egitea erabakiko du, ihes egin, eta etxegabetuen elkarte batek okupatutako etxe batean topatuko du babesa. Gorka Otxoak gorpuzten du Pelloren pertsonaia. Gorka Otxoaz gain, Miren Gaztañaga, Josean Bergoetxea, Gurutze Beitia eta Mikel Losada aktoreek ere parte hartzen dute. Komedia soziala egin du Patxok, non musikak ere protagonismo handia duen, parte hartuko duten musikarien zerrendak erakusten duenez: Ainhoa Arteta, Xabi Solano (Esne Beltza), Gose, Francis (Doctor Deseo), Natxo de Felipe, Oreka Tx eta Gatibu daude parte-hartzaileen artean.
Deskargatu hemen.