Iruñeko euskalerria irratiko Mikel Bujanda kazetaria batu zaigu saiora, ohiko moduan Nafarroako kronika ekarri digu. 2017ko aurrekontuen berri eman digu, izan ere, Nafarroako gobernuak datorren astean onartuko ditu 2017ko aurrekontuak. Bestetik hizkuntzaren auziaz ere mintzatu da. Euskararen legearen 30. urteurrena aitzakia hartuta, ekitaldia egin du Kontseiluak Iruñean. Paul Bilbaok, idazkari nagusiak, Parlamentuko presidenteari, Ainhoa Aznarezi, lege berria idazteko luma oparitu dio. Ekitaldian, urte hauetan guztietan Legeak ezarritako egoeraren ondorioz izan dituzten bizipenen berri ere eman dute hainbat herritarrek. Alderdietako, eragile sozialetako eta euskalgintzako ordezkariak izan dira ekitaldian.
Deskargatu hemen.
