50 eta 60 hamarkadetako ikerlariek makinak programatu nahi zituzten eskuz, gizakion ezagutza kodifikatuz eta arrazoiketa logikoak egitea ahalbidetuz. Bide hartan ikusi zen makinen adimena oso zurruna zela, gizakiok dugun eta gure munduak eskatzen duen malgutasunetik oso urrun. Gaur egungo adimen artifizialaren iraultza ez da bide horretatik etorri. Azkenean ulertu dugu makinek beren kasa ikasi behar dutela gure pareko adimena izatera iristeko. Gorka Azkune Deustuko Unibertsitateko ikertzailea izan da gurean. “Makinen ikasketa gaitasun harrigarria” izeneko hitzaldia eskainiko du urtarrilaren 17an Bilboko Azkuna Zentroan.
