Hiruka komunikazioarekin bat egin dugu eta Uribe kostako agerkarian bildutako albisteak ekarri dizkigu Irantzu Sagarminaga kazetariak. Hiru gai ekarri dizkigu gaurkoan. Euskal Herriko Bilgune Feministak 15 urte bete ditu aurten eta eskualdeko taldearekin mintzatu dira. Joxe Elorrieta Aurrekoetxeak bere bigarren saiakera aurkeztu berri du: Una mirada sindical contracorriente. Clase, territorio y nuevas alianzas.Getxon bizi da Joxe Elorrieta eta astekarian elkarrizketa sakona egin diote, “ Indar metaketa beharrezkoa dela eskerretik” azpimarratu du. Euskal estatu burujabe bateko herritarra izan gura duzu? Galdera horixe egingo diete, Ados elkarteak proposatuta, maiatzaren 7ko herri galdeketan Bizkaiko Uribe Kostako herritarrei , Lemoiz, Plentzia, Barrika, Urduliz eta Sopelakoei. Atzo aurkeztu zuten, Sopelako udaletxeko plazan egindako ekitaldi baten bidez.
Deskargatu hemen.
