ELAk duela 20 urte Gernikan ekitaldi politikoa egin zuen. Egin zuenetik hogei urte bete direnean, jardunaldi batzuk antolatu dituzte autogobernuaren egoera aztertzeko, eta horien ondorioen berri eman dute Adolfo Muñoz idazkari nagusiak eta Leire Txakartegik. Denbora honetan, autogobernuak inboluzio basatia pairatu duela adierazi dute. Era honetan, gogoratu dute ez dagoela euskal autogobernurik lan harreman eta gizarte babeseko euskal esparrurik gabe eta negoziazio kolektiborako eskubiderik gabe. Egoera honi aurre egiteko interpelazio soziala ezinbestekoa dela. Sindikatu abertzaleak Gernikako Estatutua “hiltzat” jo zuenetik hogei urtera, pentsatzen du euskal instituzioak “Espainiako Gobernuaren ordezkaritza huts” bilakatu dela. ELAk ez du babestuko Estatus Politiko berririk bere horretan ez badira bilatzen euskal langileen bizimodu eta lanaren kalitatea baldintzatzen duten funtsezko osagaiak: erabakitzeko eskubidea, lan harreman eta gizarte babeseko euskal esparrua, negoziazio kolektiborako eskubidea eta ordezkaritza sindikalean joko-arau demokratikoekiko errespetua.
Deskargatu hemen.
