Elikagaien Bilketa Handia antolatu du azaroaren 30 eta abenduaren 1erako Bizkaiko Elikagaien Bankuak. Bizkaiko ia 300 establezimendu eta 5.500 boluntariotik gorak parte hartuko dute. Guztira milioi bat kilo elikagai biltzea espero dute, iazko antzera. Ander Bilbao Larrazabal, elkarteko bolondresa izan da gurekin; Bizkaiko Elikagai Bankuaz eta hastear den kanpainaz hitz egiten.
Bilboko udalak gabonetarako egitaraua aukeztu du; Bilbaogabonak izenpean, hiriko auzoetan zehar hainbat ekimen izango dira atzotik hasi eta urtarrilaren 6ra arte. Honen helburua hiritarrentzat eta turistentzat hiri erakargarriago bat egitea dela azaldu du Itziar Urtasun, Berdintasuna, Lankidetza, Bizikidetza eta Jaiak Saileko zinegotziak. Gehien esperotako ekintzetako bat argiak izan dira; atzo […]