Maren Ortiz Zarragoitia gonbidatu dugu gaur Zientzialari saiora. Biologoa da bera eta buru-belarri dabil kutsadurak izakiengan duen eragina ikertzen. Kutsadura izango da, beraz, gaurko saioaren abiapuntua, baina, hortik hasita, beste zenbait gai garrantzitsu aipatuko dizkigu Marenek, hala nola gure inguruko ekosistemen egoera eta klima aldaketaren ondorio kaltegarriak, puntu guztiak azken urteetan egiten dabilen ikerketan oinarriturik.
Biologian lizentziatu zen Maren Ortiz Zarragoitia 1998an eta UPV/EHUn zientzia berean doktoratu 2005ean. Irakaslea da unibertsitate honetan Zientzia eta Teknologia fakultateko Zoologia eta Animalia Zelulen Biologia sailean eta itsas organismoei kutsadurak dakarzkien ondorioak ikertzen dihardu azken aspaldion. (Argazkia: Anboto).
Deskargatu hemen.
