Euskararen aldeko lasterketak bihar arratsaldeko 17:00etan emango ditu lehen pausoak. 2.560 kilometro egin ostean iritsiko da Gasteizera, apirilaren 14an. Euskararen alde “klika egitea” du lelo aurtengo Korrikak. Euskararen aldeko kontzientzia suspertzea eta euskaltegien eguneroko lana indartzeko dirua biltzea ditu Korrikak helburu. Mertxe Mujika AEKo koordinatzailea izan da gurean. Urte honetako lana azpimarratu du. Korrikak Txillardegiri eginiko omenaldiaz gain, aurten Euskaraldiak emandako zenbakiak eta parte hartzea azpimarratu ditu. Ala ere Nafarroako egoera ere ekarri digu gogora, izan ere Korrikaren hasierak ederki islatuko du zonifkazioaren eragina, eremu mistotik ez-euskaldunera pasatuko baitira korrikalariak, kilometro gutxi eginda.
Deskargatu hemen.
