2018ko Bilboko Aste Nagusian hizkuntz eskubide urraketa pairatu zuen Arkaitz Zarragak udaltzain baten partetik. Jaien amaieran, desmuntaketa lanetan, Hau Pittu Hau konpartsako kide den Arkaitz gelditu egin zuen udaltzain batek, txosnagunetik ateratzerakoan. Udaltzaina gazteleraz zuzendu zitzaion, Arkaitzek euskaraz artatua izan zedin eskatu zion. Eskaeraren aurrean, bi isun jartzearekin egin zion mehatxu udaltzainak: bata trafiko zirkulazioarekin loturan, eta bestea errespetu faltagatik. Udaltzainak bi isunak jarri zizkion, Mozal Legea aplikatuta.900 euroko isuna jaso zuen Zarragak, eta helegitea jarri zuen. Gaur epaitu dute. Goizean elkarretaratzea egin dute eta Koldo Zarate Euskal Herrian euskarazko kidean argi utzi du Bilboko udalak ez duela hizkuntza eskubideak bermatzen. Bertan Agurne Gaubeka Hizkuntza eskubideen behatokiko kidea izan da.
Deskargatu hemen.