Eibar dugu zain berriro ere, baina gaurkoan kontu lazgarriak salatzeko aitzakian. Ia hilabete da Zaldibarreko zabortegian utzikeriak eragindako lurjausi-istripua izan zela, eta gogorarazteko zein salatzeko helburuz, ZALDIBAR ARGITU! taldeko kideek Eibarreko Untzaga plazan bertso-jaialdia antolatu zuten otsailaren 27an. Bertan izan ziren kantuan Unai Iturriaga, Nerea Ibarzabal eta Ane Zuazubizkar bertsolariak. Gaurko saioan duzue bertso-jaialdiaren aukeraketa diktatoriala. On egin.
Eider Saragueta DREAM ikertaldeko koordinatzailearekin jarri gara harremanetan, “Translanguaging hezkuntza-eleanitzean ikerketa etnografiko bat” deituriko tesia kaleratu duelako. Lana osatzeko, EAE-ko eskola publiko batean egin du ikerketa. Tesia 6 kapitulutan banatuta dago, eta horiez arituko gara elkarrizketa honetan. https://bilbohiria.com/docs2/2020/Ibaizabal/20200305_translanguaging_eider_.mp3 deskargatu hemen.
