Hirian bizitzeak baditu abantailak, baina baita desabantailak ere. Ezin ukatuzkoa da hori, koronabirus delakoak ekarritako izurrite honetan ikusten ari garenez. Ipuin honetan halako hiri jendetsu eta zaratatsu batera lagun bat ikustera doan indio baten ipuina entzungo dugu. Ipuin ekologikoa dela esan genezake, ekologia inoiz baino beharrezkoagoa dugun ingurumari honetan.
Kubako musikaririk handienetako bat gonbidatu dugu gaur Soinugelara. Guajira deritzan Kubako musika tradizionala aipatzeaz batera, Eliades Ochoaren izena datorkigu gogora berehala. Hobeto esatearren, Eliades Ochoa eta Cuarteto Patria taldea, aspaldidanik bide luze-luzea egin baitute elkarrekin. Behinola, gaixoaldi luze samar baten ondotik, zer moduz zegoen galdetu omen zion kazetariren batek Eliadesi, […]
