Ez zirudien Georgia estatuko Macon herrian jaiotako mutiko hark bide oparorik egin zezakeenik Amerikako Estatu Batuetako musikaren esparruan, txikia, beltza eta homosexuala zelako. Izan ere, azken bi ezaugarri horiek aski eta sobera ziren iragan mendearen erditsuan gizarte arrazista eta homofobo hartan baztertua eta jazarria izateko. Alabaina, eragozpenak eragozpen, mutiko hura Little Richard ezizenaz igo zen AEBetako agertokietara eta rock-and-rolla esaten zioten musika arin kutsagarria eginez dantzan jarri zituen Ipar Amerikako eta mundo osoko gazteak. Pedrok kantaren aurkezpenean gogorarazi digunez, Little Richard behin etorri zen Euskal Herrira. Baionan izan zen 1997an, Chuck Berry eta Jerry Lee Lewisekin batera bertako zezenplazan kontzertua eman zuenean. Pedrok dioskunez, rock-and-rollaren hiru izar nagusiak bildu ziren hara, baina Little Richard izan zen, zalantzarik gabe, distirarik ederrena eskaini zuena. Izan ere, Little Richard rock-and-rollaren benetako aitzindaria izan zen.
Deskargatu hemen.
https://www.youtube.com/watch?v=LVIttmFAzek
One thought on “SOINUGELA: Tutti Frutti (Little Richard) #konfinamendutik”