Bilboko Harrobiako Lanbide Heziketako marketin eta publizitateko ikasleek BerdinGO! Izeneko euskarazko mahai jokoa sortu eta merkaturatu dute. Mahai jokoa 8 urtetik gorako umeei zuzenduta dago eta jokoaren helburu nagusia genero berdintasuna sustatzea da, hori dela eta, BerdinGO!ren lema: Lanbideak berdinduz. BerdinGO!-ko partaideek, txikienek jolasaren bitartez berdintasuna eta inklusibitatea bezalako gaiak barneratzea lortu nahi dute. Izan ere, mahai jokoa etxean zein eskolan jokatu daiteke eta gainera erabiltzaileek euskara erabiltzeaz gain ingelesa ere landu dezakete. Mahai jokoa gehiago ezagutzeko ikasleek sortutako BerdinGO! web orrialdea bisitatu daiteke edo Instagram, Facebook eta Twitter kontuak arakatu daitezke. Webgunean jokoa doain deskargatzeko aukera dago http://berdingo.eus/mahai-jokoa-eskuratu/. Horrez gain, jokoaren azalpena eta itxura Youtube kontuan ikus daiteke.
Deskargatu hemen.
