KULTURA GARA eta arriskuan gaude. Lelo horrekin bihar kultura egiten duten sektorea kalera aterako dira Kultura gara manifestua irakurtzera. Hego Euskal Herriko hiriburuetan egingo dute, Bilbon Arriaga Plazan izango da hitzordua. Faseak, deseskalada eta normaltasun berriaren iragarpena gorabehera, Arte biziek ezin dute “normaltasun” hori berreskuratu kontrataziorik eta jardueraren berezitasunari egokitutako protokolorik ez badago. Pako Revueltas aktorerekin berba egin dugu.
Hoztu zaigu 2020ko ekaina. Aintzane Buruaga lankide-lagun, ZenbatGarakide, Algarakide, bidaidea… zendu da. Hauxe duzue POTTO egiten dugunon partez beti akorduan izango dugun Aramaioko sorginari eskainitako omenaldi xume-txikia; bertsolaritza maite zuen Aintzanek, baina araurik gabeko bertsoa! libre kantazea zuen gustuko. Zoaz libre, bada. Biba zu! TOPA! https://bilbohiria.com/docs2/2020/Potto/200611_potto_aintzane.mp3 Deskargatu hemen.
