Euskararen Nazioarteko Eguna eta Euskaraldiaren ekimena direla eta, Bilboko kaleetan euskara normalizatzeko egiten duten lanagatik ezagunak diren bost komertzio omendu ditu Udalak. Horiek dira Frutería los Chicos, Arbeko Electrodomésticos, Farmacia Lotina, Semillas, plantas y floristería Mikel Zuazua eta Deustu Bike.
Komertzio hauetako arduradunek Bilboko euskaltegi-sarean ikasten dute edota zerbitzuak euskaraz eskaintzen dituzte; eta horrela, komertzioaren alorrean euskararen erabilera normalizatzen dute. Deustu Bike komertzioko Zugaitz Ayusok asko eskertu du aintzatespena, eta bereziki eskerrak eman dizkie euskara ikasten ari diren herritarrei.
Bestalde, ekitaldian izan den Amaia Arregi alkateordeak Udalak euskararen inguruan dituen helburuak azaldu ditu.
Deskargatu hemen.
