Bi telesail ekarri dizkigu hizpidera Iskandar Hamawik gaurkoan, Parliament eta Lupin, hurrenez hurren Filmin eta Netflix plataforman ikusgai ditugun ekoizpenak. Parliament komediak Brusela du jokaleku, eta denok gure buruari egin diogun galdera abiapuntu: Zertarako ote da Europar Parlamentua? Nazionalitateen arteko estereotipo eta topikoen jokoan egoera komiko asko daude, Bruselako parlamentuan topa daitezkeen elementuekin, interes lobbyak eta funtzionario alferrak tartean. Lupin serieak, berriz, eskularru zuriko Arsène Lupin lapur klasikoaren abenturen bertsio modernoa dakarkigu, afroeuroparra den protagonistarengandik abiatuta.
Deskargatu hemen.
