Sopelako Ander Deuna ikastola eta Leioako Betiko ikastola arduratuko dira, hain zuzen ere, aurtengo Bizkaiko ikastolen aldeko jaia antolatzeaz. Bizi ditugun garaiak kontuan hartuta, Ibilaldiaren baloreak azaleraztea inoiz baino garrantzitsuagoa dela azpimarratuz, bi ikastolek maiatzaren 30ean egingo dute Ibilaldia, ikasturte osoan zehar Uribe Kostan izango diren ekimenei amaiera emanez. Helburuen artean dituzte, besteak beste, ikastolen eredua indartzea, herriko elkarte eta erakundeekiko harremanak sakontzea eta bi zentru horietako eraikinak berritu eta egokitzea. Horretaz gain, euskara eta euskal kultura bultzatu nahi dute, ekitaldi eta jarduera askoren bidez, eta berdintasuna, hezkidetza eta jasangarritasuna hartu nahi dituzte ardatz.
Bestalde, nobedadeekin heldu da aurten ere Ibilaldia 2021, kanta berri bat ere atera du eta!
Deskargatu hemen
