Milaka lagunek euskal presoen aldeko urratsak egiteko eskatu zuten larunbatean Euskal herrian egondako 200 bat mobilizaziotan, eta jendetsua izan da Bilboko manifestazioa ere, baina ezohikoa. Sarek nabarmendu du salbuespenezko politikak amaitzeko ordua dela: «Ez dugu pribilegiorik nahi, justizia eta giza eskubideak baizik». Bego Atxa bozeramaileak atzo balorazio baikorra egin zuen mobilizazioena eta 2022 eskubide urraketak bukatzeko urte izan behar duela nabarmendu zuen .
Bilboko auzo elkarteen federazioak urteberriarekin batera Osasungintzaren egoera salatzeko mobilizazioak deitu ditu Bilboko hainbat auzoetan. Osasungintzan Langile-defizita egiturazko arazoa dela salatu dute. Gobernuak telefono bidezko arretaren onurak goraipatzen dituen bitartean herritarrek itxarote-ilara luzeak sufritu behar dituzte, zerbitzu prekarioa pairatzen dute, familia-medikuarekin hitzordua hartzeko arazoak. Horregatik kalera aterako dira Urtarrilaren 12a […]