Uztailaren 2an euskal herritarrak eta kataluniarrak Pirinioetako Bidea izeneko ekimenean parte hartzera deitu ditu Gure Eskuk. Bada, beroketa gisa, asteburu honetan lau gailur argiztatuko dituzte, tartean Ganekogorta.Gorbeia, Uzturre, Larreineta eta Ganekogorta mendiek distira egingo dute larunbat gauean, maiatzak 14. Inguruko herrietatik tontorrerantz abiatzeko hitzorduak egin dituzte 19:00etan. Amalur Alvarez izan dugu gurean. Bi hilabete baino gutxiago geratzen dira Gure Eskuren aurtengo erronka nagusirako. Kataluniatik Euskal Herrira, mutur batetik bestera Pirinioetako mendilerroa argiztatu nahi dute, herrialde bien erabakitzeko eskubidearen aldarria ikusarazteko asmoz.
Deskargatu hemen.
