Ongi etorri Bilbo Hiriaren Zer dator? tarte prospektibo transbertsal honetara. Gonbidatuekin solasean, saiatuko gara hainbat arlotan datorkiguna igartzen-iragartzen. Etorkizuna gure esku dago? Auskalo, baina hobe izango da lagungarri batzuk izatea, adituen eskutik. Gaur finantzen munduari erreparatu diogu, eta horretarako Joseba Barandiaran (Legazpi, 1973) izan dugu solaskide. Ekonomialaria, bertsolaria eta kirolaria dugu Joseba, -lari eta -zale ere, era berean.
Solasaldi atsegina izan dugu euskaldunok finantza munduarekiko dugun harremanaz, ekonomiaren globalizazioaz, deslokalizazioaz, bankuez, horniduren krisiaz, gasaren garestitzeaz, inflazioaz, inbertsioez… Pottojorran bertso eskolako kidea denez gero, bertsolaritzaren etorkizunaz eta ekonomiarekiko harremanaz ere mintzatu gara Barandirekin.
Deskargatu hemen.