GATIBU taldeak bere bederatzigarren diskoa modu berezian aurkeztu nahi du. EHDISTOPIKALA deituriko lana aurkeztu nahi du zaleekin eta horretarako diskoaren entzunaldiak antolatu ditu: Bilbon, Azaroaren 23an, BIRA kulturgunean izango da, 19:30etan. Zaleek, taldeak eskura jarriko dizkien kaskoetatik, EHDISTOPIKALA disko berriko kantak entzun ahal izango dituzte. Kanta bakoitzaren ostean, taldekideek kanta bakoitzari buruzko zertzeladak azalduko dituzte eta zaleek nahi beste iruzkin edota galdera egin ahal izango dituzte, lagun giroko solasaldia sortze aldera. Aurkezpen entzunaldi hauetan parte hartzeko sarrerak doakoak dira baina gonbidapena eskuratu beharko du zaleak. Bilbo Hiria Irratiak 20 gonbidapen ditugu BIRAko aurkezpenerako gure entzuleen artean banatzeko.
Bidali whatsapp mezua 644 499 554 zenbakira eta lortu gonbidapena.
Deskargatu hemen.