Bilboko auzo elkarteek, pentsionistekin eta mugimendu feministarekin batera, protesta deitu dute ostegunean, martxoak 9, 19:00etan auzoetako Osasun Zentroen aurrean, Osakidetzan gertatzen ari diren murrizketak salatzeko asmoz. Euren hitzetan, osasungintza publikoa da osasunerako eskubidea baldintza berdinetan bermatzen duen bakarra, eta hori lortzeko gakoetako bat kalitatezko lehen mailako arreta dela, osasuna ardatz duena eta kontsulta presentzialak denbora nahikoarekin egiten dituena. Gauzak horrela, hurrengo auzoetako osasun zentroen aurrean antolatutako mobilizazioekin bat egiteko deialdia egiten dute: Deustu, Uribarri, Otxarkoaga, Santutxu, Bilbo Zaharra, Alde Zaharra, Errekalde, Basurtu, Zorrotza eta Irala.
Deskargatu hemen.