Asteburua ate joka dugu eta bihar eta etzi, urriaren 7 eta 8an, ospatuko dute Leioako Mendibile Jauregian Bizkaiko Txakolina eta Musika jaialdi kulturala. Maider Zalduondo komunikazio arduradunarekin hitz egiteko aukera izan dugu, eta jaialdia Bizkaiko txakolina jendeari hurbiltzeko helburuarekin hasi zutela kontatu digu. Larunbat eta igandean txakolin dastaketez gozatzeaz gain, Idiazabal gazta eta Mendibile Jauregiak prestatutako mokaduak jateko aukera izango da. Zalduondok azaldu digunaren arabera, edonor joan daiteke zuzeneko musikaz eta Bizkaiko txakolinaz gozatzera; hori bai, dastaketetan parte hartzeko ezinbestekoa da izen-ematea.
Deskargatu hemen.
