Amazigh urte berria ospatu zuten larunbatean Bilbon, 2974ari ongietorria emateko. Casilla kiroldegian festa antolatu zuen Agharas elkarteak, eta Bilbo Hiria irratiak bertatik egin zuen zuzeneko saioa, ordubetez. Bizkaian, 2016ko ikerketa baten arabera, 5.000 amazigh baino gehiago bizi da, eta bederatzigarren aldia da Agharasek urteberri festa antolatzen duela, baina, urtetik urtera gero eta jende gehiago batzen duenez, aurten lehen aldiz egin dute Bilbon, -iaz Portugaleteko merkatuan egin zuten-. Elkartea 2013ko apirilean eratu zuten gurera etorritako gazte amazigh batzuek, hainbat arlotan migratutako amazighen gizarteratzea eta euskal eta amazigh herrien elkar ezagutza bultzatzeko helburuekin. Guk gure ekarpen xumea egin nahi izan dugu elkar ezagutzeko bide horretan eta gure saioaren bidez saiatu gara kolonizatzaileek bereber moduan ezagutu duen herri handi eta zahar bezain ezezagun hau.
Deskargatu hemen.