Ekainaren 3tik 6ra bitartean, Bilbok eta Barakaldok arte eszenikoen nazioarteko erakusleiho bihurtuko dira ACT jaialdiaren eskutik. Dantza, antzerkia eta performance pieza laburrak bilduko ditu aurtengo edizioak, guztira hamalau ikuskizun, mundu osoko sortzaileek sinatuak: Hego Koreatik, Mexikotik, Txiletik, Estatu Batuetatik edo Suitzatik etorriak, besteak beste. BAI Bizkaiko Antzerki Ikastegiak 22 urtez antolatutako jaialdiak berriz ere “ezohiko” lanen aldeko apustua egin du, ohiko antzoki programazioetatik kanpo geratzen diren proposamenak ikusgarri egiteko helburuarekin. Aldi berean, topagune profesional bat ere bada ACT, sortzaileen, programatzaileen eta proiektuen arteko loturak ehuntzeko espazio bat. Aurtengo edizioak, gainera, “konpromiso artistikoa” jarri du eztabaidaren erdigunean: arteak zer paper izan behar du gaur egungo gizartean, eta zer erantzukizun dute sortzaileek beren lanen bidez. Testuinguru horretan, ACT jaialdiko zuzendari artistiko Joseba Lazkanorekin hitz egin dugu.
Deskargatu hemen.