Kongokoa gerra isilarazia izan da gu bizi garen Mendebalde honetan. Bospasei milioi lagun hil dituzte bertan,
baina bertakoa ez da gerra mediatikoa, Mendebaldeko estatuek horiek gobernatzen dituzten multinazionalek
interes handiak dituztelako Afrika erdialdean, harribitxiak eta koltana, besteak beste. Gauzak horrela, bertako
jendea mixeria gorrian eta dena beharrean bizi dira. Jende horrekiko elkartasuna erakutsi nahian, Karibu Festa
antolatu dute hainbat euskal musikarik, Gari buru dutela, jesuiten Ellakuria Fundazioaren laguntzaz. Hain zuzen ere,
Gari eta fundazio horretako kide den Xabier Zabalo jesuita izan ditugu solaskide, maiatzaren 19an Bilboko BBK Aretoan
izango den jai erraldoi honen zergatiak eta ingurumariak azaltzen.